Jón Sigurðsson gengur í lið með Kristni Gunnarssyni
Það vakti athygli mína að um leið og Jón Sigurðsson gekk gegn stefnu og ákvörðunum fyrrverand formanns Framsóknar; - talaði um mistök og rangar ákvarðanir - þá var Kristinn Gunnarsson enn i skammarkróknum. Kristinn hefur tekið undir með venjulegu Framsóknarfólki og heilbrigðum Íslendingum í öllum flokkum - og gagnrýnt Halldór og Davíð fyrir gerræði og skaðlegar afleiðingar þess að hengja Ísland í tagl Georgs W og Rumsfelds.
Kristinn sagði líka,, of lítið of seint" eða eitthvað í þá veruna.
Er það ekki alveg ljóst að þingflokkur Framsóknarflokksins eins og hann leggur sig; líka ritarinn Sæunn - þurfa einhverja daga til að éta ofan í sig rullurnar sem þuldar voru til að bakka Halldór upp í sínu einræði. Af hverju var verið að slátra Kristni kallinum pólitískt ef hann sagði allan tímann satt???? En þetta er Framsókn eftir Halldór - ekki auðvelt að skilja eða vita hvað gerist næst.
Sérstaklega finns mér gaman að rifja upp hvað Hjálmar Árnason ruglaði um eitthvert samráð við utanríkismálanefndina í aðdraganda þess að Ísland slóst í lið með innrásinni í Írak.
Valgerður utanríkis á heldur ekki auðvelt með að kyngja - enda er þetta ekki það sama og Jón formaður sagði í ágúst. Kannski Valgerður vilji vera við því búin að Jón formaður breyti um stefnu? Þá er líklega best að vera við öllu búin.