Ráðneytin;
Tel að Samfylkingin hafi orðið harkalega undir með skiptingu ráðuneyta. Framsókn hafði í síðustu stjórn stöðu "hálfdrættings" á við Sjálfstæðisflokkinn - en sat í helmingaskiptum. Helmingaskipti voru því það minnsta sem Samfylkingin átti að sætta sig við varðandi vægi málaflokka - á móti forsætisráðherraembætti. það er einfaldlega hefð fyrir þvi.
Fjármálaráðuneytið var að mínu mati alltaf ráðuneytið sem Ingibjörg átti að fara í sjálf - og krefjast fyrir SF.
Skildi að heilbrigðisráðuneytið væri á leiðinni til Sjálfstæðisflokksins - en tel óviðunandi að menntamálaráðuneytið sé enn látið vera í höndum Sjálfstæðisflokksins - þó ekki væri nema fyrir það að sá flokkur hefur setið þar í næstum 22 af síðustu 24 árum. Þegar landbúnaðarráðneytið er lagt niður - og fjármálaráðuneytið er í höndum Sjálfstæðisflokksins þá tel ég þess vegna að það hafi verið alveg ofurklént - - að kaupa samgönguráðuneytið svona dýru verði.
Er ósköp sáttur við það að SF fái til sín Iðnaðarráðuneytið - en sé ekki að það að skipta viðskitparáðuneytinu út sem sjálfstæðu ráðuneyti sé nægilega útfært í þágu hins nýja atvinnulífs til að líta á það sem raunverulegt samningsvægi.
Veit að það mun standa mjög harkalega í stórum hópi Samfylkingarmanna að afhenda Sjálfstæðisflokknum - óslitið umboð í menntamálaráðuneytinu. Nú þarf Þorgerður Katrín t.d. að taka sig saman í andlitinu gagnvart landsbyggðinni og ekki síst Háskólanum á Akureyri ef það á að geta ríkt eindrægni í kring um þann málaflokk - eins og aðdragandinn er. Ég ætla ekki að ræða um RÚV-ohf.
Ráðherraskipan
Ingibjörg Sólrún skorar "big time" - með því að standa við yfirlýsingar um jafnan hlut kvenna. Sýnir einnig kjark með því að sækja Þórunnu Sveinbjarnar niður á listann - enda þórunn afburða-mannaeskja hvort sem væri í umhverfis, utanríkis eða velferðarmálin. Össur vinur minn hlýtur að vera á leið út úr pólitík (á kjörtímabilinu) og sama má segja um Jóhönnu - þau munu rýma fyrir endurnýjun fyrr eða seinna og þá eru Katrín Júl og Guðbjartur klárlega í stellingum - og auk þess Ágúst Ólafur. Guðbjartur hlýtur að verða formaður fjárlaganefndar - þannig að NV-kjördæmi fái einhverja dekkun í embættavali SF.
Geir er undir með ráðherravalið - það æpir á menn konuleysið - og það æpir einnig á menn að Björn Bjarnason er látinn halda áfram - og framlengjast í sama ráðuneyti. Þarna glataði Geir góðu færi á að yngja upp og binda traust við stórfjölskyldu Benedikts Sveinssonr - með því að gera hinn unga erfðaprins Bjarna Benediktsson að ráðherra strax.
Geir vantar konur sem fyrst - og hann þarf að stíga inn í meiri endurnýjun - um leið og hann þarf sennilega að sættast við mína nágranna hér - fyrst hann gat ekki gefið Kristján Þór Júlíussyni - færi á því að verða formaður
Hvað ber að lesa út úr stjórnarsáttmálanum?
Held að sáttmálinn boði raunverulega breytingar.
Les það út að ný atvinnustefna verði ofan á - með útrás og nýsköpun.
Það verður gerbreyting á málefnum aldraðra - og öryrkja; Þar kemur Jóhanna sterk inn.
Það verður sett stefna á stöðugleika og réttlæti í skattakerfinu - og öfgafullar tekjutengingar verða skalaðar hratt niður.
Það verður fjárfest í fólki og lífsgæðum -
Auðlindamálin fá sátta-farveg - þar sem frekjuhundarnir verða eitthvað bundnir um skeið og reynt að festa í sessi almanna-eignarhaldið. Umhverfismál fá vægi.
Utanríkismálin fá nýjan tón - og nýtt innihald þar sem Evrópu-nálgun kemst á dagskrá - í gegn um virkt samráð aðila vinnurmakaðarins - bæði i röðum atvinnurekenda og eins og röðum launþega - og einn daginn hyggst Sjálfstræðirflokkurinn ráða ferðinni - á leið inn í Evrópusabands-aðildarumsókn. Íraksmálið - þarf Ingibjörg að klára með sýnilegum hætti fyrst ekki varð samstaða umað táknræn og skýr yfirlýsing - líkt og Spánverjar, Ítalir og fleir hafa gert var ekki sett á oddinn.
Landbúnaðurinn verður trimmaður niður; - lag upp úr að vernda gömlu greinarnar með "vörugæði" í forgrunn og sértækni stofnanna - en kjúklingaræktinni fórnað í fyrsta leik og síðan svínaræktinni smátt og smátt.
Vona bara að nautakjöti og lambakjöti verði haldið úti - varanalega - með vísan til þess að við viljum forðast Crautsfeld-Jacob og félaga og fleiri vandræðamenn.
Áherslan á nýju atvinnugreinarnar þarf að útfærast miklu betur og verða sýnilegur hluti af menntasetnfunni; - þetta má ekki blokkerast af þrásetu Sjálfstæðisflokksins í menntamálaráðuneytinu. Hinn hluti nýju atvinnustefnunnar verður að rammast inn í útrásarumgjörðina- sem á að hvetja og efla - en má ekki hefta árangur.´
Nóg í bili,