Lausamjöll:
Þessi hvíta kalda ysja,
leggst yfir allt
– og bíður-
eftir vindi
stundum dögum saman
ógnandi.
Svo allt í einu
skellur hann á
og allir vegir lokast
Úti hestar og kindur
- og pabbi ekki heima.
Vornæturfriður
Himininn er bæði undir og yfir
- þögnin er þung –
eins og hlaðin spennu
Hestur veður flóann
slítur nýgræðing úr vosköldu vatni
Kría dormar á staur í girðingarenda
Lómur lætur í sér heyra í snöggum rokum
Lamb jarmar – og fær svar
Það er eins og ekkert um stund
----
Skyndilega fer allt á hreyfingu
Hvar voru allir þessir fuglar blánóttina?