Eftir því sem meira kemur fram um vinnubrögð og tillögusmíði Atla-nefndarinnar á Alþingi tel ég ljóst að formanni nefndarinnar lánaðist að beina starfinu inn í öngstræti.
Niðurstaðan með ákærutillögur í ágreiningi - - en ekki með samstöðu - var sú versta sem hægt var að leggja upp með. Niðurstaðan verður síðan ennþá verri - með Geir einan á ákværubekk. Geir verður fórnarlamb - og píslarvottur - en enginn frekari von um heildrænt uppgjör.
Meginhöfundar Hrunsins og þeirra glæpaverka sem einkavina-væðing bankanna fól í sér - sitja í feitum embættum og með margföld eftirlaun.
Þjóðin sér ekki fram á sanngjörn réttarhöld, maklegar og hæfilegar refsingar - og þannig ekki forsendur fyrir iðrun og afsökunarbeiðni leikenda - - og enn síður forsenda til fyrirgefningar af hálfu samfélagsins.
Atla-nefndin horfði framhjá öðrum möguleikum - festist í landsdómsleiðinni og lag'ði aldrei mat á MARKMIÐ né heldur leiðir til uppgjörs, til staðfestingar á ábyrgð né heldur hvernig sáttum og heilun þjóðarinnar yrði best komið í farveg. 8-menningarnir létu Atla teyma sig í lögfræðilega tæknilega sjálfheldu.
Niðurstaðan ER AFLEIÐING AF FÚSKI OG KUNNÁTTULEYSI . . .