Vappaði borginmannlegur í gúmmískóm
– með sokkana utanyfir
og þó það væri farið að hlýna þá var drengurinn
samt í peysunni og fannst gott að svitna
- -
Þegar mjólkurbíllinn kom
með fóðurblöndu eða áburð þá lét hann mana sig til að taka poka og stafla af öxl
„Helvíti er strákurinn sterkur og bara 7 ára . .“
Og bílstjórinn brýndi hina. . . og gerði lítið úr þeim
- -
Á eftir þurrkaði drengurinn af sér svitann og drakk ósköp af þessu dásamleg vatni úr Lindinni.
- „það er ekki heilbrigt hvernig þú drekkur barn“ , , sagði amma og rifjaði upp hörmungarsögur af einhverjum sem dó löngu fyrir aldur fram - - líklega af því hann drakk alltof mikið af köldu vatni
Seinna rifjast það upp að margir frændur bognuðu í baki og urðu slæmir í mjöðmum
fyrir aldur og einn og einn kvartaði um verki í öxlum - - en létu samt hendurnar hanga - - dag eftir dag . . .
. . og líklega voru pokarnir alltof þungir fyrir drenginn sem seinna finnur til í baki og mjöðmum – en mundi samt gera þetta allt aftur . . . .